नांदेड येथे ‘पी.एफ्.आय.’वर बंदी घालण्याविषयी आणि ख्रिस्ती नववर्षानिमित्त होणारे गैरप्रकार थांबवण्याविषयी निवेदन !

नांदेड, २१ डिसेंबर (वार्ता.) – २० डिसेंबर या दिवशी ‘पॉप्युलर फ्रंट ऑफ इंडिया’ (पी.एफ्.आय.) या देशविघातक संघटनेवर बंदी घालण्यात यावी, तसेच ख्रिस्ती नववर्षानिमित्त ३१ डिसेंबर या दिवशी होणारे गैरप्रकार आणि त्यानिमित्त फोडण्यात येणार्‍या फटाक्यांवर प्रतिबंध आणण्याविषयी नांदेड येथे अतिरिक्त जिल्हा दंडाधिकारी प्रदीप कुलकर्णी यांना हिंदु जनजागृती समितीच्या वतीने निवेदन देण्यात आले. या वेळी भाजप युवा मोर्चाचे नांदेड येथील उपाध्यक्ष श्रीराज चक्रावार, मारवाडी युवा मंचचे माजी अध्यक्ष चेतन पंडित, भाजप व्यापारी आघाडीचे उपाध्यक्ष संदीप छापरवाल, धर्मप्रेमी सर्वश्री मधुकर भरडे, नागेश बुंदेले आणि हिंदु जनजागृती समितीचे श्री. उदय बडगुजर, श्री. गणेश कोंडलवार उपस्थित होते.