केंद्रशासनाकडून गोव्याला वस्तू आणि सेवा करापोटी २१३ कोटी रुपये

पणजी, ७ ऑक्टोबर (वार्ता.) – गोव्याला केंद्राकडून वस्तू आणि सेवा कराचा (जी.एस्.टी.चा) वाटा म्हणून २१३ कोटी ९ लक्ष रुपये मिळाले आहेत. यामधील १२५ कोटी १९ लक्ष रुपये हे ५ वर्षांच्या कालावधीसाठी, तर ८७ कोटी ९० लक्ष रुपये २ वर्षांच्या कालावधीसाठी आहेत. या निधीचा वापर राज्यशासन आरोग्य सुविधा आणि पायाभूत सुविधा प्रकल्प उभारण्यासाठी करू शकणार आहे.