‘१०.१.२०२१ या दिवशी सायंकाळी ७ वाजता मी भ्रमणभाषवर ‘उर्वशी डान्स, म्युझिक, आर्ट’ आणि ‘इंडियन काऊन्सिल फॉर कल्चरल रिलेशन्स’ यांच्या वतीने ‘पॅनेल डिस्कशन ऑन इंडियन कल्चर’ हा कार्यक्रम ‘ऑनलाईन’ पहात होते. या कार्यक्रमात सूत्रसंचालकासह एकूण ७ जण सहभागी झाले होते. काही वेळानंतर आमच्या घरासमोर रहाणारी कु. शरण्या सावंत (वय ९ वर्षे) ही लहान मुलगी मी पहात असलेला कार्यक्रम माझ्या शेजारी बसून पाहू लागली. तिला ‘हा कोणता कार्यंक्रम आहे ? त्यात सनातनचा कुणी सहभागी आहे का ?’, इत्यादीविषयी काहीच माहिती नव्हते. त्या वेळी कु. शरण्या आणि माझ्यात झालेले संभाषण पुढे दिले आहे.
कु. शरण्या : (भ्रमणभाषच्या पडद्यावर दिसत असलेल्या कु. तेजल पात्रीकर यांच्याकडे बोट दाखवून) या पुष्कळ तेजस्वी आहेत.
कु. राजश्री : तेजस्वी म्हणजे काय ? गोर्‍या आहेत, असे का ?
कु. शरण्या : नाही. त्या इतर सर्वांपेक्षा पुष्कळ वेगळ्या दिसत आहेत. म्हणून मी तेजस्वी म्हटले. त्या सनातनच्या आहेत का ?
कु. राजश्री : ‘त्या सनातनच्या आहेत’, असे तुला का वाटते ?
कु. शरण्या : त्यांच्या मागे प्लेन आहे. (पार्श्वभूमी एकाच रंगाची आहे.) कोपर्‍यात सनातनचा लोगो (बोधचिन्ह) आहे. (प्रत्यक्षात पडद्यावर महर्षि अध्यात्म विश्वविद्यालयाचे बोधचिन्ह होते.) त्यांची साडी इतरांपेक्षा किती चांगली आहे ? साडीचा रंग चांगला आहे आणि त्यांनी ती व्यवस्थित नेसलेली आहे. त्यामुळे त्यांच्याकडे पाहून चांगले वाटते. सनातनचे सगळे असेच असतात, म्हणून मी ‘त्या सनातनच्या आहेत का ?’, असे विचारले.
प्रत्यक्षातही शरण्याने म्हटल्याप्रमाणेच होते. कु. तेजल पात्रीकर सोडून कार्यक्रमात सहभागी असलेल्या सर्वांची पार्श्वभूमी, त्यांनी परिधान केलेल्या कपड्यांचा रंग आणि कपडे परिधान करण्याची पद्धत सात्त्विक नव्हती. भ्रमणभाषच्या छोट्या पडद्यावर ७ जण दिसत होते. प्रत्यक्षात कुणाचेच तोंडवळे स्पष्ट दिसत नव्हते. त्यातून शरण्याने उत्तम निरीक्षण केले आणि सूक्ष्मातून जे जाणवते, ते सांगितले.
कृतज्ञता
परात्पर गुरु डॉ. आठवले यांच्या कृपेमुळे सनातनच्या साधकांचे वेगळेपण समाजातील व्यक्तींच्याही लक्षात येत आहे. शरण्यासारखी लहान मुले भावी ईश्वरी राज्यातील असल्याने त्यांना सूक्ष्मातील कळते. त्यामुळे ती इतरांच्या तुलनेत सनातनच्या साधकांचे वेगळेपण सहजतेने आणि सविस्तरपणे सांगू शकतात. भावी ईश्वरी राज्य चालवण्यासाठी पिढी निर्माण करणार्‍या परात्पर गुरु डॉक्टरांच्या चरणी कोटी कोटी कृतज्ञता.’
– कु. राजश्री सखदेव, सनातन आश्रम, रामनाथी, गोवा.(१.२.२०२१)
|
सूक्ष्मातील जाणण्याची अफाट क्षमता असणारे आणि आजाराचे अचूक निदान करून त्यावर नामजपादी उपाय सांगणारे सद्गुरु डॉ. मुकुल गाडगीळ !
लुधियाना, पंजाब येथील सौ. माधवी प्रमोद शर्मा यांना रामनाथी (गोवा) येथील सनातनचा आश्रम पहातांना जाणवलेली सूत्रे आणि आलेल्या अनुभूती
सातारा येथील कॅप्टन विजयकुमार मोरे (निवृत्त) (वय ७४ वर्षे) यांना रामनाथी, गोवा येथील सनातनचा आश्रम पाहिल्यावर जाणवलेले सूत्र आणि आलेली वैशिष्ट्यपूर्ण अनुभूती 
‘गुरुसेवक’ या भावाने साधना सत्संगाचे दायित्व घेऊन साधकांना प्रोत्साहन देणारे पुणे येथील ६३ टक्के आध्यात्मिक पातळीचे श्री. चैतन्य तागडे आणि पनवेल (रायगड) येथील सौ. अर्पिता पाठक !
श्री दुर्गादेवीला शरण जाऊन प्रार्थना केल्यानंतर प्रशिक्षणार्थी युवतींना श्री दुर्गादेवीच वर्ग घेत असल्याची आलेली अनुभूती !
अहंशून्य, नम्र आणि सच्चिदानंद परब्रह्म डॉ. आठवले यांच्याविषयी भाव असलेले पंढरपूर येथील डॉ. श्रीपाद पेठकर !