काँग्रेसच्याही दोन नेत्यांचे घोटाळे उघड करणार ! – चंद्रकांत पाटील

मुंबई – शिवसेना आणि राष्ट्रवादी काँग्रेसच्याच नव्हे, तर आता काँग्रेसच्या नेत्यांचे घोटाळेही भाजप उघड करणार आहे. येत्या दोन दिवसांत काँग्रेसच्या दोन नेत्यांचे विषय समोर येतील, असे विधान भाजपचे प्रदेशाध्यक्ष चंद्रकांत पाटील यांनी केले आहे.

भाजप नेते किरीट सोमय्या यांनी केलेल्या आरोपांमागे चंद्रकांत पाटील यांचा हात असल्याचा आरोप ग्रामविकासमंत्री हसन मुश्रीफ यांनी केला होता. त्यानंतर चंद्रकांत पाटील यांनी पत्रकार परिषद घेऊन मुश्रीफ यांच्या आरोपांचे खंडण केले आहे.