प्रत्येक मंदिरात ‘ठाकरे-पवार’ नावाची दानपेटी बसवली, तरच मंदिरे उघडणार का ? – तुषार भोसले, प्रदेशाध्यक्ष, भाजप आध्यात्मिक आघाडी

नाशिक – ‘जर राज्यातील प्रत्येक मंदिरात ‘ठाकरे-पवार’ यांच्या नावाने दानपेटी बसवली, तरच मंदिरे उघडतील का ?’, असा प्रश्न उपस्थित करत भाजप आध्यात्मिक आघाडीचे प्रदेशाध्यक्ष तुषार भोसले यांनी पुन्हा एकदा सरकारवर मंदिरे न उघडण्याविषयी टीका केली आहे. राज्यभरातील आंदोलनानंतर भाजप आध्यात्मिक आघाडी मंदिरे उघडण्यासाठी पुन्हा एकदा आक्रमक झाली आहे.

मंदिर उघडण्याच्या मागणीवरून तुषार भोसले म्हणाले की, वसुली होते, तिथेच केवळ सवलत मिळते. सरकार मंदिर उघडण्यासाठी नागरिक आणि भक्त यांची अजून किती प्रतीक्षा करणार आहे ? ज्या गोष्टीमध्ये सरकारची वसुली चालू आहे, त्याच गोष्टी सरकार चालू करत आहे. मंदिर उघडण्यासाठी ‘औरंगजेब’ सरकार ‘जिझिया कर’ म्हणून १०-२० रुपये पेटीत टाकले, तरच मंदिरे उघडणार आहेत का ?