पैठण (संभाजीनगर) येथे लाच घेतल्याप्रकरणी भूमी अभिलेख सर्व्हेअरसह दोघांना अटक !

भ्रष्टाचाराने पोखरलेले महसूल खाते !

संभाजीनगर – कृषक भूमी अकृषकमध्ये (‘एन्.ए.’) रूपांतरित करण्यासाठी तक्रारदाराकडे ९० सहस्र रुपयांची लाच घेतांना पैठण येथील भूमी अभिलेख कार्यालयातील सर्व्हेअर अनिल सावंत आणि त्याचा सख्खा भाऊ असलेला ठेकेदार सचिन सावंत यांना लाचलुचपत प्रतिबंधक विभागाच्या पथकाने ९ ऑगस्ट या दिवशी पैठण येथे पकडून अटक केली. या दोघांनी तक्रारदाराकडे १ लाख ६० सहस्र रुपयांची लाच मागितली होती. तडजोडीअंती ९० सहस्र रुपये द्यायचे ठरले होते. तक्रारदार हे स्थापत्य अभियांत्रिकीचे सल्लागार आहेत.