नगर येथे चोराने गोळीबार करत पतसंस्थेत ५ लाखांची रोकड पळवली !

भरदिवसा चोरीच्या घटना होतात म्हणजे पोलिसांचा गुन्हेगारांवरील धाक अल्प झाल्याचे लक्षण आहे. पोलिसांनी कार्यपद्धतीत सुधारणा न केल्यास अराजक निश्चित आहे.- संपादक 

नगर, ९ ऑगस्ट – येथील ‘पारनेर ग्रामीण पतसंस्थे’च्या बेलवंडी फाटा शाखेत ७ ऑगस्ट या दिवशी दुपारी दुचाकीवरून शिरस्त्राण घालून आलेल्या एका चोराने गोळीबार करत अनुमाने ५ लाख रुपयांची रोकड चोरून नेली. रोखपाल महिलेला धमकावून पैसे घेऊन पळणार्‍या चोराचा शाखाधिकारी बाळासाहेब सोनवणे यांनी झाडूच्या साहाय्याने प्रतिकार करण्याचा प्रयत्न केला; मात्र चोराने झाडलेली गोळी सोनवणे यांच्या छातीत लागून ते गंभीर घायाळ झाले. चोराचे आणखी कुणी साथीदार होते का ? याविषयी अद्याप माहिती मिळालेली नाही.