जमशेदपूर (झारखंड) येथे वृक्षारोपण कार्यक्रमामध्ये सनातन संस्थेचा सहभाग !

जमशेदपूर (झारखंड) – येथील बिरसानगर भागातील श्री हनुमान मंदिराच्या वतीने मंदिर परिसरात नुकतेच वृक्षारोपण कार्यक्रमाचे आयोजन करण्यात आले होते. या प्रसंगी सनातन संस्थेचे श्री. सुदामा शर्मा आणि श्री. बी.भी. कृष्णा यांच्या हस्ते वृक्षारोपण करण्यात आले. या वेळी झाडांना फळे-फुले देणार्‍या धरणीमातेला भावपूर्ण प्रार्थना करण्यात आली. या प्रसंगी स्थानिक नागरिक कोरोना विषयीच्या नियमांचे पालन करत उत्स्फूर्त सहभागी झाले होते. या कार्यक्रमासाठी मंदिराचे प्रमुख कार्यकर्ते श्री. राजन गोराई यांनी सनातन संस्थेला निमंत्रण दिले होते. सनातन संस्थेच्या साधकांविषयी गौरवोद्गार काढतांना श्री. गोराई म्हणाले, ‘‘वृक्षारोपणासारखे महान कार्य अन्य प्रतिष्ठित लोकांकडून करण्यापेक्षा सनातनच्या साधकांकडूनच करावे, असे मला वाटले.’’