‘भाषण स्पर्धे’त सनातनचा ६१ टक्के आध्यात्मिक पातळी असलेला बालसाधक कु. ईशान कडणे प्रथम !

सांगली, ५ ऑगस्ट (वार्ता.) – १ ऑगस्ट या दिवशीच्या लोकमान्य बाळगंगाधर टिळक यांच्या पुण्यतिथीच्या निमित्ताने तुंग येथील ‘अंकुर बालमंदिर’ या शाळेने इयत्ता पहिलीतील विद्यार्थ्यांसाठी भाषण स्पर्धा आयोजित केली होती. या स्पर्धेत लोकमान्यांची वेशभूषा करून, त्यांच्यावर भाषण करून त्याचा ‘व्हिडिओ’ सिद्ध करून शाळेकडे पाठवायचा होता. या स्पर्धेत सनातनचा ६१ टक्के आध्यात्मिक पातळी असलेला बालसाधक कु. ईशान (वय ७ वर्षे) हा सहभागी झाला होता आणि त्यात त्याचा प्रथम क्रमांक आला. या स्पर्धेत एकूण ३५ विद्यार्थ्यांनी सहभाग घेतला होता. या यशाविषयी कु. ईशानचे सर्वत्र कौतुक होत आहे.