पत्नीला गोमांस खाण्यास भाग पाडणार्‍या धर्मांध पतीविरुद्ध गुन्हा नोंद !

सोलापूर – चारित्र्यावर संशय घेणे, बुरखा घालण्यास आणि नमाजपठण करण्यास सक्ती करणे, तसेच बळजोरीने गोमांस खाण्यास भाग पाडून शारीरिक अन् मानसिक छळ केल्याच्या प्रकरणी विजापूर नाका पोलीस ठाण्यात पतीविरुद्ध गुन्हा नोंद करण्यात आला आहे. या प्रकरणी ऐश्वर्या दत्ता गायकवाड (लग्नानंतरचे नाव आयेशा इम्रान पठाण) यांनी दिलेल्या तक्रारीवरून पती इम्रान शौकत पठाण याच्याविरुद्ध गुन्हा नोंद करण्यात आला. (धर्मांधांची विकृत मनोवृत्तीची अनेक उदाहरणे उघड होऊनही हिंदु महिला त्यांच्याशी विवाह करतात, हे धर्मशिक्षणाच्या अभावाचे लक्षण ! – संपादक)

तक्रारदार ऐश्वर्या गायकवाड या घरीच सौंदर्यवर्धनाचा व्यवसाय करतात. त्यांचा पहिला विवाह वर्ष २०१७ मध्ये झाला होता; मात्र कौटुंबिक वादांमुळे त्या पतीपासून विभक्त होऊन आईकडे रहात होत्या. त्यानंतर त्यांची ओळख इम्रान पठाण याच्याशी झाली आणि त्यांनी विवाह केला. विवाहानंतर काही दिवसांतच पतीने त्यांच्या चारित्र्यावर संशय घेऊन घराबाहेर जाण्यावर निर्बंध घालण्यासह इस्लामी धार्मिक प्रथा पाळण्यास सक्ती करणे आणि विविध प्रकारे छळ केला, असे आरोप करण्यात आले आहेत. त्यांना २ मुली असून ‘मुलगाच हवा’ या कारणावरूनही छळ करण्यात आल्याचे तक्रारीत नमूद आहे.