५ लाख रुपयांची लाच घेतांना कर्णावती (गुजरात) येथील ईडीच्या २ अधिकार्‍यांना अटक

भ्रष्टाचार्‍यांवर कारवाईसाठी स्थापन करण्यात आलेल्या ईडीचेच अधिकारी भ्रष्टाचारी आहेत, यावरून सर्वच अन्वेषण यंत्रणा भ्रष्टाचाराने पोखरलेल्या आहेत, हे लक्षात येते ! ही स्थिती केवळ हिंदु राष्ट्रातच पालटता येऊ शकते !

कर्णावती (गुजरात) – केंद्रीय अन्वेषण विभागाच्या लाचलुचपत प्रतिबंधक विभागाने अंमलबजावणी संचालनालयाच्या (‘ईडी’च्या) २ अधिकार्‍यांना ५ लाख रुपयांची लाच घेतांना अटक केली. येथील ईडीच्या विभागीय कार्यालयातील उप संचालक पूरन काम सिंह आणि साहाय्यक संचालक भूवनेश कुमार यांना एका व्यापार्‍याकडून ही लाच घेतांना पकडण्यात आले. सिंह आणि कुमार यांनी ७५ लाख रुपयांची लाच मागितली होती. नंतर व्यवहार ५ लाख रुपयांत ठरला होता.