मुख्यमंत्र्यांच्या अवैध संपत्तीची माहिती ‘ईडी’ला देणार ! – आमदार रवि राणा

अमरावती – ‘मुख्यमंत्री उद्धव ठाकरे यांची विविध देशांत अवैध संपत्ती असून त्याची माहिती मी मिळवली आहे. ही माहिती अंमलबजावणी संचालनालयाकडे देऊन कारवाईची मागणी करणार आहे. मी आणि माझी पत्नी खासदार नवनीत राणा आम्हाला शिवसेनेकडून लक्ष्य केले जात आहे’, असा आरोप आमदार रवि राणा यांनी २३ जून या दिवशी केला. खासदार राणा यांच्या जात वैधता प्रमाणपत्राच्या उच्च न्यायालयाने दिलेल्या निर्णयाला सर्वोच्च न्यायालयाने स्थगिती दिली होती. या पार्श्वभूमीवर रवि राणा यांनी हे वक्तव्य केले.