आज मुख्यमंत्री उद्धव ठाकरे आणि उपमुख्यमंत्री अजित पवार पंतप्रधानांची भेट घेणार !

मुंबई – मुख्यमंत्री उद्धव ठाकरे आणि उपमुख्यमंत्री अजित पवार हे देहली येथे जाऊन पंतप्रधान नरेंद्र मोदी यांची भेट घेणार आहेत. ८ जून या दिवशी सकाळी ११ वाजता ही भेट होणार आहे. या भेटीमध्ये मराठा आरक्षणाचा प्रश्न, तसेच महाराष्ट्रातील कोरोनाचे संकट आणि नैसर्गिक आपत्ती यांवर चर्चा होण्याची शक्यता आहे. यापूर्वी मुख्यमंत्री उद्धव ठाकरे यांनी मराठा आरक्षणासाठी पंतप्रधान नरेंद्र मोदी यांना पत्र लिहिले होते.