संभाजीनगर येथील संपादक रवींद्र तहकीक यांच्यावरील आक्रमण प्रकरणी ५ जणांच्या विरोधात गुन्हे नोंद !

संभाजीनगर – येथील एका दैनिकाचे संपादक रवींद्र तहकीक यांनी वर्तमानपत्रात छत्रपती संभाजीराजे आणि भाजपचे नेते अन् माजी मुख्यमंत्री नारायण राणे यांच्याविषयी एक लेख प्रकाशित केला होता. या लेखात नारायण राणे यांच्याविषयी आक्षेपार्ह लिखाण केले असल्याचा आरोप करून राणे समर्थकांनी तहकीक यांच्यावर आक्रमण करून त्यांच्या अंगावर शाई फेकली होती. या प्रकरणी तहकीक यांच्या तक्रारीवरून पोलीस ठाण्यात ५ जणांवर गुन्हे नोंद करण्यात आले आहेत.

गणेश उगले, नीलेश भोसले, बाबुराव वाळेकर, उमेश शिंदे अशी आरोपींची नावे असून या प्रकरणातील एका आरोपीचे नाव समजलेले नाही. या प्रकरणी राणे समर्थकांनी वर्तमानपत्राचे कार्यालय गाठून तहकीक यांना खडसावले, तसेच त्यांनी क्षमा मागावी, अशी मागणी केली; मात्र वाद वाढल्याने त्यांनी तहकीक यांच्या अंगावर शाई फेकली होती.