पुणे शहरात एकाच दिवशी आत्महत्येच्या ३ घटनांची नोंद

या महामारीच्या काळात मन स्थिर आणि सकारात्मक ठेवण्यासाठी साधना करण्याविना पर्याय नाही. साधनेमुळेच मन स्थिर आणि खंबीर राहू शकते !

पुणे – भारती विद्यापीठ पोलीस ठाण्याच्या हद्दीमध्ये सोमवारी एकाच दिवशी ३ आत्महत्येच्या घटना घडल्याची नोंद करण्यात आली आहे. या तिन्ही घटनांमधील व्यक्तींनी गळफास लावून आत्महत्या केली असून त्यांचे मृतदेह शवविच्छेदनासाठी ससून रुग्णालयात नेले आहेत. यांच्या आत्महत्येमागील कारण अद्याप समजू शकले नाही; मात्र त्यातील वाहनचालक असलेली व्यक्ती मागील मासापासून बेरोजगार होती.