कोल्हापूर जिल्ह्याच्या आरोग्य सेवेत ७ नव्या रुग्णवाहिका दाखल

जयसिंगपूर (जिल्हा कोल्हापूर) – कोल्हापूर जिल्ह्यात आरोग्य विभागाकडून ७ नव्या रुग्णवाहिका दाखल झाल्या असून याचा लाभ जिल्हा उपरुग्णालय, ग्रामीण रुग्णालय, ग्रामीण भागातील प्राथमिक आरोग्य केंद्रे आणि उपकेंद्र यांना होणार आहे. गंभीर अथवा अतीगंभीर रुग्णांना तातडीने उपचार मिळण्यासाठी आरोग्य केंद्रांकडे चांगल्या गुणवत्तेच्या रुग्णवाहिका उपलब्ध असणे गरजेचे असते. या रुग्णवाहिकांमुळे रुग्णांना तातडीने उपचार होण्यास साहाय्य होणार आहे, अशी माहिती आरोग्य राज्यमंत्री राजेंद्र पाटील-यड्रावकर यांनी दिली.