वैद्यकीय अधिकार्‍यांना शिवीगाळ करणार्‍या आमदार कांबळे यांना तात्काळ अटक करा ! – रामदास तडस, खासदार, भाजप

वर्धा – जिल्ह्यातील देवळी येथील काँग्रेसचे आमदार रणजित कांबळे यांनी जिल्हा आरोग्य अधिकारी डॉ. अजय डवले यांना शिवीगाळ केल्याच्या प्रकरणी भाजपच्या वतीने ११ मे या दिवशी त्यांचा निषेध नोंदवण्यात आला आहे. ‘सरकारी कामात हस्तक्षेप केल्याच्या प्रकरणी आमदार रणजित कांबळे यांना तात्काळ अटक करा’, अशी मागणी भाजपचे खासदार रामदास तडस यांनी केली आहे. ‘कारवाई न झाल्यास भाजपच्या वतीने जिल्ह्यात ठिकठिकाणी आंदोलन करू’, अशी चेतावणीही त्यांनी दिली आहे.