कोविड नियमांचे उल्लंघन करत भाजपचे प्रदेशाध्यक्ष चंद्रकांत पाटील यांच्या उपस्थितीत कार्यक्रम !

पिंपरी-चिंचवड – भाजपच्या वतीने शहरातील कोरोना रुग्णालयांना भेटी देणे आणि कोविड केअर सेंटरचे उद्घाटन हे कार्यक्रम भाजप प्रदेशाध्यक्ष चंद्रकांत पाटील यांच्या हस्ते करण्यात आले. या कार्यक्रमात कोरोनाविषयक नियम पायदळी तुडवत भाजपचे नेते, पुढारी आणि कार्यकर्ते यांनी गर्दी केली होती. विशेष म्हणजे अनेक जण चंद्रकांत पाटील यांच्यासमवेत छायाचित्र काढण्यासाठी गर्दी करीत होते.‘घरीच रहा, सुरक्षित रहा’ असे आवाहन सर्वच नेते मंडळी करीत आहेत. त्यामुळे सामाजिक भान राखत हा कार्यक्रम ‘ऑनलाईन’ घेता आला असता, असा विचार सामान्य नागरिकांच्या मनात येत आहे.