दुप्पट दराने मद्य विक्री करणारा राज्य उत्पादन शुल्क विभागाच्या जाळ्यात !

पुणे – फेसबूकवर जाहिरात करून हडपसर भागात दुप्पट किमतीला करणार्‍या एका व्यक्तीविरुद्ध राज्य उत्पादन शुल्क विभागाने कारवाई केली आहे. राजीव अग्रवाल (रहाणार भोसरी) असे कारवाई केलेल्या व्यक्तीचे नाव आहे. त्याच्या विरुद्ध मुंबई मद्य निषेध कायद्यानुसार गुन्हा नोंद केला आहे. त्याच्याकडून २८ मद्याच्या बाटल्या शासनाधीन केल्याचे राज्य उत्पादन शुल्क विभागाचे अधीक्षक संतोष झगडे यांनी सांगितले. विभागीय उपायुक्त प्रसाद सुर्वे आणि अधीक्षक झगडे यांच्या मार्गदर्शनाखाली ही कारवाई करण्यात आली.