ऐरोली येथील पंजाब नॅशनल बँकेच्या ए.टी.एम् यंत्राला आग !

नवी मुंबई – सेक्टर ५, ऐरोली येथील पंजाब नॅशनल बँकेच्या ए.टी.एम् यंत्राला ३० मार्चच्या रात्री आग लागून लाखो रुपयांची हानी झाली. आगीचे कारण समजू शकले नाही; मात्र तेथील वातानुकूलन यंत्रातील बिघाडामुळे आग लागली असण्याची शक्यता वर्तवण्यात येत आहे. आगीचे प्रमाण अधिक असल्याने अग्निशमन दलाला बोलवावे लागले. या आगीत पासबुक एन्ट्री मशीन आगीच्या भक्ष्यस्थानी पडले. तसेच वातानुकूलन यंत्र आणि अन्य सर्व वस्तू आगीत जळून खाक झाल्या.