गुंड आणि आमदार मुख्तार अंसारी याला पोलिसांच्या कह्यात द्या ! – सर्वोच्च न्यायालय

नवी देहली – उत्तरप्रदेशातील कुख्यात गुंड असणारा आमदार मुख्तार अंसारी याला उत्तरप्रदेशच्या कारागृहामध्ये २ आठवड्यांत स्थानांतरित करण्यात यावे, असा आदेश सर्वोच्च न्यायालयाने पंजाब सरकारला दिला आहे. अंसारी सध्या पंजाबच्या रुपनगर कारागृहात आहे. उत्तरप्रदेश पोलिसांना तो १४ गुन्ह्यांसाठी हवा आहे; मात्र पंजाब सरकारने त्याला कह्यात देण्यास नकार दिला होता. त्याविरोधात सर्वोच्च न्यायालयात याचिका प्रविष्ट करण्यात आली होती. त्यावर हा आदेश देण्यात आला आहे.