सातारा येथे वीजजोडणी तोडण्यासाठी गेलेल्या २ वीज कर्मचार्‍यांना अमानुष मारहाण

सातारा, १९ मार्च (वार्ता.) – वीजजोडणी तोडण्यासाठी गेलेल्या २ वीज कर्मचारी विजय फडतरे आणि साईराज पोळ यांना करंजे पेठेत अमानुष मारहाण करण्यात आली. या प्रकरणी सुलेमान आप्पा तहसीलदार आणि सादिक पैलवान या दोघांवर शाहूपुरी पोलीस ठाण्यात गुन्हा नोंद करण्यात आला आहे. दळणवळण बंदीच्या काळात वीजदेयके थकवणार्‍या नागरिकांची वीजजोडणी तोडण्याचे काम महावितरणने हाती घेतले आहे. त्याअंतर्गत वीजजोडणी तोडण्यासाठी हे कर्मचारी गेले होते. मारहाणीच्या घटनेनंतर महावितरण कर्मचार्‍यांनी काही काळ कामबंद आंदोलनही केले.