कोटा (राजस्थान) येथे १५ वर्षांच्या मुलीवर १८ जणांकडून ९ दिवस बलात्कार !

कोटा (राजस्थान) – येथील एका १५ वर्षांच्या मुलीवर झालावाड येथे नेऊन ९ दिवस १८ पेक्षा अधिक जणांनी अनेक वेळा सामूहिक बलात्कार केल्याची घटना उघडकीस आली आहे. अत्याचाराच्या वेळी त्रास होत असतांना या मुलीला नशा येईल असे पदार्थ दिले जात होते. ते घेण्यास नकार दिल्यावर तिला मारहाण केली जात होती, अशी माहिती तिने दिली आहे. या प्रकरणी ४ अल्पवयीन मुलांसह २० जणांना अटक करण्यात आली आहे.

Rape, torture and police apathy: Rajasthan’s Jhalawar rape case where over a dozen men raped a minor girl for eight dayshttps://t.co/uuiKitZzDH

— OpIndia.com (@OpIndia_com) March 16, 2021

२५ फेब्रुवारी या दिवशी या मुलीच्या ओळखीची एक मुलगी आणि तिचा साथीदार तिला बॅग घेण्याच्या बहाण्याने झालावाडा येथे घेऊन गेले. तेथे या दोघांनी या मुलीला काही जणांच्या कह्यात दिले. त्यांनी तिला घर, हॉटेल, बांधकाम चालू असलेले घर आणि शेत येथे नेऊन तिच्यावर लैंगिक अत्याचार केले. त्यानंतर ५ मार्च या दिवशी परत नेऊन सोडले. पीडितेने आईसमवेत जाऊन पोलिसांत तक्रार केल्यावर गुन्हा नोंदवण्यात आला.