पुणे येथील ५ दुकानांना भीषण आग, सुदैवाने कोणतीही जीवितहानी नाही

पिंपरी-चिंचवड (पुणे), १० मार्च – येथील झुलेलाल घाट परिसरातील ५ दुकानांना ९ मार्चला मध्यरात्री अडीच वाजता भीषण आग लागल्याने दुकाने जळून खाक झाली आहेत. सुदैवाने यात कोणतीही जीवितहानी झालेली नाही. पिंपरी अग्नीशमन दलाच्या कर्मचार्‍यांनी घटनास्थळी जाऊन पहाटे ५ वाजता शर्थीचे प्रयत्न करत आग आटोक्यात आणली आहे. अद्याप आग लागण्याचे कारण समजू शकलेले नाही. रात्री दुकाने बंद असल्याने मोठी हानी टळली आहे; परंतु दुकानातील साहित्य जळून खाक झाले आहे, अशी माहिती अग्नीशमन दलाचे शांताराम काटे यांनी दिली आहे.