सातारा येथे माथेफिरू टोळक्याचा धुडगूस 

टपर्‍यांची तोडफोड करत केली सहस्रो रुपयांची हानी

असुरक्षित सातारा !

सातारा, ९ मार्च (वार्ता.) – येथील उपप्रादेशिक परिवहन कार्यालय चौकामध्ये अज्ञात माथेफिरूंच्या टोळक्याने परिसरातील टपर्‍यांची तोडफोड करत धुडगूस घातला. यामध्ये हातावरचे पोट असणार्‍या टपरीधारकांची सहस्रो रुपयांची हानी झाली आहे.

उपप्रादेशिक परिवहन कार्यालयात जिल्ह्यातील विविध तालुक्यांतून नागरिक येत असतात. त्यामुळे तेथील चहा, न्याहरी यांच्या टपर्‍यांवर मोठी गर्दी असते. ७ मार्चच्या रात्री ११.३० वाजता अज्ञात २० ते २५ जणांच्या माथेफिरू टोळक्याने उपप्रादेशिक कार्यालय चौकातील टपर्‍यांची तोडफोड केली.