सिडकोचे १०६ भूखंड विक्रीसाठी उपलब्ध

नवी मुंबई – सिडको महामंडळाकडून नवी मुंबईतील नवीन पनवेल, खारघर, नेरूळ, घणसोली आणि ऐरोली या विभागात १०६ निवासी भूखंड विक्रीसाठी उपलब्ध करून दिले आहेत. या भूखंडावर बंगला, रो-हाऊस आणि निवासी इमारत बांधता येणार आहे.

या भूखंडांकरिता ई-निविदा आणि ई-लिलाव प्रक्रियेद्वारे अर्ज मागवण्यात आले आहेत. या योजनेची सविस्तर माहिती आणि भूखंडांचा तपशील जाणून घेण्याकरिता अर्जदारांनी https://eauction.cidcoindia.com या संकेतस्थळाला भेट द्यावी, असे आवाहन सिडकोने केले आहे.

या योजनेंतर्गत नवीन पनवेल २८, खारघर १५, नेरूळ १२, घणसोली ३८ आणि ऐरोली १३ असे हे १०६ भूखंड आहेत.