सांगली जिल्ह्यात २३ फेब्रुवारीपर्यंत प्रतिबंधात्मक आदेश लागू

सांगली, १० फेब्रुवारी – विविध आंदोलने आणि आगामी सण-उत्सवाच्या पार्श्‍वभूमीवर जिल्ह्यातील कायदा अन् सुव्यवस्था अबाधित रहावी, यासाठी जिल्हाधिकारी तथा जिल्हादंडाधिकारी डॉ. अभिजीत चौधरी यांनी वर्ष १९५१ च्या महाराष्ट्र पोलीस कायदा कलम ३७ (१) (३) अन्वये सांगली जिल्ह्यात ९ ते २३ फेब्रुवारीपर्यंत प्रतिबंधात्मक आदेश घोषित केला आहे. या अंतर्गत जिल्ह्यात ५ किंवा त्यापेक्षा अधिक व्यक्तीस सार्वजनिक ठिकाणी आणि रस्त्यावर एकत्र जमण्यास मनाई करण्यात आली आहे. हा आदेश शासकीय कर्मचारी आणि धार्मिक विधी यांनी लागू रहाणार नाही.