शरद पवार कधी क्रिकेट खेळले नसतांनाही ते अध्यक्ष होते ! – सदाभाऊ खोत, रयतक्रांती संघटना

सातारा, ८ फेब्रुवारी – शेतकरी आंदोलनाच्या संदर्भात सचिन तेंडुलकरला सल्ला देत राष्ट्रवादी काँग्रेसचे अध्यक्ष शरद पवार यांनी ज्यांना ज्या क्षेत्रातले कळते त्यातले त्यांनी बोलावे, असे वक्तव्य केले होते. या संदर्भात रयतक्रांती संघटनेचे अध्यक्ष सदाभाऊ खोत म्हणाले, शरद पवार कधी क्रिकेट खेळले होते का ? तरी ते अध्यक्ष होते. ते कोणत्या फडात कुस्ती खेळले ? तरीही ते कुस्तीगीर परिषदेचे अध्यक्ष आहेत. अनेकांना वाटते मला सोडून दुसर्‍याला कळत नाही. हे योग्य नसून नवीन नेतृत्वाला हानीकरक आहे. ते सातारा येथे झालेल्या पत्रकार परिषदेत बोलत होते.