मनसेचे डोंबिवली शहराध्यक्ष राजेश कदम यांचा शिवसेनेत, तर गटनेते मंदार हळबे यांचा भाजपमध्ये प्रवेश

मुंबई – आगामी कल्याण-डोंबिवली महापालिका निवडणुकीच्या पार्श्‍वभूमीवर १ फेब्रुवारी या दिवशी महाराष्ट्र नवनिर्माण सेनेचे डोंबिवली शहराध्यक्ष राजेश कदम यांनी मुख्यमंत्री उद्धव ठाकरे यांच्या उपस्थितीत शिवसेनेत प्रवेश केला, तर २ फेब्रुवारी या दिवशी मनसेचे नगरसेवक आणि गटनेते मंदार हळबे यांनी भाजप पक्षात प्रवेश केला. भाजपचे प्रदेशाध्यक्ष चंद्रकांत पाटील आणि माजी मंत्री आमदार रवींद्र चव्हाण यांच्या उपस्थितीत हा पक्षप्रवेश सोहळा झाला. मनसेला लागलेल्या या गळतीनंतर मनसेचे काही प्रमुख नेते कृष्णकुंज निवासस्थानी मनसेचे प्रमुख राज ठाकरे यांच्याशी या संदर्भात चर्चा केली.