रेल्वेचे महाव्यवस्थापक संजीव मित्तल यांची कोल्हापूर रेल्वे स्थानकाला भेट

कोल्हापूर – मध्य रेल्वेचे महाव्यवस्थापक संजीव मित्तल यांनी कोल्हापूर रेल्वे स्थानकाला नुकतीच भेट दिली. या वेळी शिवसेना खासदार संजय मंडलिक, खासदार धैर्यशील माने, आमदार चंद्रकात जाधव यांनी त्यांची भेट घेऊन विविध मागण्यांचे निवेदन सादर केले. मिरज कोल्हापूर मार्गाचे विद्युतीकरण पूर्ण झाले असून या मार्गावर प्रवासी वाहतूक चालू व्हावी, बंद केलेल्या पॅसेंजर गाड्या परत चालू व्हाव्यात, बहुतांशी रेल्वे गाड्यांच्या वेळा आणि मार्ग निश्‍चित करतांना प्रवाशांच्या सूचनांचाही विचार व्हावा, अशा मागण्या करण्यात आल्या.