महापालिका अधिकार्‍यांना शिवीगाळ करून खंडणी मागितल्याचे प्रकरण
सोलापूर – उपमहापौर राजेश काळे यांना भाजप पक्षातून बडतर्फ करण्यात आले आहे. राजेश काळे यांच्यावर महापालिका आयुक्त आणि उपायुक्त यांना खंडणीसाठी धमकावणे, शिवीगाळ करणे, सरकारी कामात अडथळा आणणे, असे आरोप उपायुक्त धनराज पांडे यांनी दिलेल्या तक्रारीत करण्यात आले होेते. यानंतर पोलिसांनी राजेश काळे यांना अटक केली होती, तसेच त्यांना २ दिवस पोलीस कोठडीही देण्यात आली होती.
काळे यांच्याविषयी अनेक सत्ताधारी नगरसेवकांनी शहराध्यक्षांकडे तक्रारी केल्या होत्या, तसेच यापूर्वीही काळे यांच्यावर अनेक गुन्हे नोंद झालेले आहेत. या पार्श्‍वभूमीवर भाजपचे शहराध्यक्ष विक्रम देशमुख यांनी उपमहापौर राजेश काळे यांच्या संबंधात आलेल्या तक्रारींचा, तसेच नोंद करण्यात आलेल्या गुन्ह्यांचा अहवाल प्रांताध्यक्ष चंद्रकांत पाटील यांच्याकडे पाठवला होता. राजेश काळे यांच्यामुळे पक्षहितास बाधा पोचत आहे, असा ठपका ठेवून त्यांना पक्षातून काढून टाकत असल्याची माहिती स्थानिक पातळीवर पदाधिकार्‍यांकडे पाठवण्यात आली होती. या आधारावर स्थानिक पदाधिकार्‍यांनी उपमहापौर राजेश काळे यांना पक्षातून बडतर्फ केल्याचे स्पष्ट केले आहे.
राज्यात पुढील ४ दिवस अवेळी पावसाची शक्यता !
मुंबईत भ्रमणभाष चोरणार्या दोन सराईत चोरांना अटक !
रांजणगाव (पुणे) येथे घरफोड्या करणार्या २ धर्मांधांना अटक !
पुणे येथे निवडणूक प्रशिक्षणास अनुपस्थित रहाणार्या कर्मचार्यांवर कारवाई करणार ! – डॉ. सुहास दिवसे, जिल्हा निवडणूक अधिकारी
महाराष्ट्रात मतदानाच्या आवाहनासाठी निवडणूक आयोग घेणार प्रसिद्ध व्यक्तींचे साहाय्य !
‘पतंजलि आयुर्वेद’च्या कथित फसव्या विज्ञापनप्रकरणी सर्वोच्च न्यायालयाच्या न्यायमूर्तींचा हिंदुद्वेष !