ऊस आंदोलनाची ठिणगी भडकली

सांगली, ६ जानेवारी –  एकरकमी ‘एफ्आर्पी’च्या मागणीसाठी स्वाभिमानी शेतकरी संघटनेने जिल्ह्यात आंदोलन चालू केले आहे. पलूस तालुक्यातील क्रांती साखर कारखान्याचे घोगाव येथील कार्यालय पेटवून दिलेे. राष्ट्रवादी काँग्रेसचे आमदार अरुण लाड यांचा हा कारखाना आहे. जिल्ह्यातील साखर कारखान्यांनी शेतकर्‍यांची एकरकमी एफआरपी दिली नाही. त्यामुळे स्वाभिमानी शेतकरी संघटनेने कारखानदारांच्या विरोधात आंदोलन छेडले.