नगर अर्बन बँकेमध्ये ३ कोटी रुपयांचाअपहार करणार्‍यांच्या विरोधात गुन्हा नोंद !

नगर, २४ डिसेंबर – नगर अर्बन को-ऑपरेटिव्ह बँकेमध्ये ३ कोटी रुपयांचा अपहार केल्याप्रकरणी भाजप वरिष्ठ नेते आणि माजी खासदार दिलीप मनसुखलाल गांधी, घनश्याम बल्लाळ, आशुतोष लांडगे यांच्यासह बँकेच्या तत्कालीन संचालक मंडळाच्या सदस्यांवर कोतवाली पोलीस ठाण्यात गुन्हा नोंद झाला आहे.

हा गैरप्रकार ७ ऑक्टोबर २०१७ ते १० नोव्हेंबर २०१७ या कालावधीत झाला होता. या प्रकरणी बँकेचे अधिकारी मारुति औटी यांनी पोलीस ठाण्यात तक्रार दिली आहे. या प्रकरणी पुढील अन्वेषण चालू आहे.