गैरप्रकारांना अनुसरून ‘बी.एल्.ओ.’मध्ये पालट करण्याचा मुख्य निवडणूक अधिकार्‍यांचा आदेश

जिल्हा पंचायत निवडणूक

पणजी, १८ डिसेंबर (वार्ता.) – गैरप्रकार झाल्यावरून ‘बूथ लेव्हल ऑफिसर’मध्ये (बी.एल्.ओ.) पालट करण्याचा आदेश मुख्य निवडणूक अधिकार्‍यांनी दक्षिण गोवा जिल्हा निवडणूक अधिकार्‍यांना दिला आहे. जिल्हा पंचायत निवडणुकीनंतर काँग्रेस आणि गोवा फॉरवर्ड या पक्षांनी मुरगाव तालुक्यातील ‘बी.एल्.ओ.’विषयी केलेल्या तक्रारीची नोंद घेऊन मुख्य निवडणूक अधिकार्‍यांनी हा आदेश दिला आहे.