मत देता म्हणजे तुम्ही नेत्यांना विकत घेत नाही ! – खासदार साध्वी प्रज्ञासिंह ठाकूर यांनी व्यापार्‍यांना फटकारले

भोपाळ (मध्यप्रदेश) – तुम्ही मते देऊन नेत्यांना विकत घेत नाही, अशा शब्दांत येथील भाजपच्या खासदार साध्वी प्रज्ञासिंह ठाकूर यांनी व्यापार्‍यांना फटकारले. येथील न्यू मार्केट परिसरामधील एका इमारतीच्या भूमीपूजनच्या कार्यक्रमाच्या वेळी त्या बोलत होत्या.

खासदार साध्वी प्रज्ञा सिंह पुढे म्हणाल्या की, विकासकामे करणे हे लोकप्रतिनिधींचे काम आहे. लोकांनाही यासंदर्भात जागृत रहाण्याची आवश्यकता आहे; मात्र असे होतांना दिसत नाही. तुम्ही जागृत नसल्यानेच भू-माफियांची दहशत वाढली आहे. तुम्ही यासंदर्भात जागृत नसल्याने विकासकामे होत नाहीत.