गोवा दंत महाविद्यालयाचे वाढीव शुल्क अखेर मागे

पणजी, ५ डिसेंबर (वार्ता.) – गोवा दंत महाविद्यालयाशी निगडित दोन्ही संस्थांचे वाढीव शुल्क मागे घेण्यात आल्याची माहिती आरोग्यमंत्री विश्‍वजीत राणे यांनी दिली.

ते म्हणाले, ‘‘गोवा दंत महाविद्यालय आणि सार्वजनिक आरोग्य खाते यांच्यामध्ये समन्वयाचा अभाव असल्याने वाढीव शुल्काची समस्या उद्भवली.’’  गोवा दंत महाविद्यालयाने ६ नोव्हेंबर या दिवशी एका आदेशाद्वारे पदव्युत्तर शिक्षणासाठीची प्रति ‘सेमिस्टर’ शुल्क १२ सहस्र रुपयांवरून १ लाख रुपये केले होते. विद्यार्थ्यांनी हा विषय आरोग्य खात्याच्या साहाय्यक सचिवांकडे मांडला होता.