उपचारात विलंब झाल्याने सूर्या सह्याद्री रुग्णालयाच्या विरोधात तक्रार नोंद !

पुणे – उपचारासाठी आवश्यक असलेली आगाऊ रक्कम न भरल्याने रुग्णाला रुग्णालयात भरती करून घेण्यास विलंब झाला. त्यामुळे रुग्णाचा मृत्यू झाल्याचा आरोप कुटुंबियांनी केला आहे. या प्रकरणी नातेवाइकांनी फरासखाना पोलीस ठाण्यात तक्रार नोंदवली असून महापालिकेचे साहाय्यक आरोग्य अधिकारी डॉ. सूर्यकांत देवकर यांनी रुग्णालयाला ‘कारणे दाखवा’ नोटीस बजावून खुलासा मागितला आहे. नातेवाइकांनी संबंधित रुग्णालय आणि आधुनिक वैद्य यांच्यावर कारवाईची मागणी केली आहे. रुग्णावर वैद्यकीय पथकाने तातडीने आवश्यक उपचार चालू केले होते, असा दावा रुग्णालयाने केला असून नातेवाइकांनी केलेले सर्व आरोप फेटाळले आहेत, तसेच सर्व उपचार वैद्यकीय नियमानुसार केले असून प्रकृतीविषयी नातेवाइकांना वेळोवेळी माहितीही दिली होती, असे रुग्णालयाने स्पष्ट केले आहे.

आरोपीवर वर्ष २०२० मध्ये हृदयाच्या झडपेची शस्त्रक्रिया याच रुग्णालयात झाली होती. त्या नियमित तपासणीसाठी येत होत्या; मात्र पैसे भरल्याविना रुग्णालयात भरती करून घेण्यास रुग्णालयाने नकार दिला. पैशांअभावी उपचारात विलंब झाल्याने आईचा मृत्यू झाल्याचा आरोप मृत व्यक्तीच्या मुलीने केला आहे.