खेडमध्ये दरड कोसळली : एकास वाचवले अन्य दोघांचा शोध चालू

रत्नागिरी – मुसळधार पावसामुळे ६ जुलैच्या रात्री खेड तालुक्यातील दहिवली येथे दरड कोसळली. मातीच्या ढिगार्‍याखाली ३ व्यक्ती अडकल्या, त्यांपैकी एका व्यक्तीला सुरक्षित बाहेर काढण्यात प्रशासनाला यश आले आहे. तथापि अन्य २ व्यक्ती अद्याप बेपत्ता असून त्या ढिगार्‍याखाली दबल्या गेल्यामुळे त्यांच्या जिवंत असण्याची शक्यता अल्प असल्याचे राष्ट्रीय आपत्ती प्रतिसाद दलाने (‘एन्.डी.आर्.एफ्.’ने) कळवले आहे.

तरीही त्यांचा शोध घेण्याचे काम युद्धपातळीवर चालू आहे. या दुर्घटनेतील मृत व्यक्तींच्या वारशांना शासनाच्या वतीने तातडीने ४ लाख रुपयांचे साहाय्य देण्याचे निर्देश देण्यात आल्याचे पालकमंत्री डॉ. उदय सामंत यांनी सांगितले.