कामोत्तेजना वाढण्यासाठी वापरले जाणारे औषध निकृष्ट दर्जाचे !

नागपूर – कामराज कॅप्सुल हे आयुर्वेदाचे औषध पडताळणीत निकृष्ट दर्जाचे असल्याचे उघड झाले. अन्न व औषध प्रशासनाने ही कारवाई केली. कामोत्तेजना वाढवण्यासाठी बोगस औषधाची सर्रासपणे विक्री होत होती. या प्रकरणी संबंधितांविरुद्ध गुन्हा नोंदवण्यात आला आहे.

औषधाच्या बाहेरील खोक्यावरील बॅच क्रमांक, औषध बनवल्याचा दिनांक आणि मुदत संपण्याचा दिनांक, तसेच प्रत्यक्ष गोळ्यांच्या पाकिटावरील माहिती यांमध्ये मोठी तफावत आढळली होती. या कॅप्सुलमध्ये लैंगिक उत्तेजना वाढवण्यासाठी वापरले जाणारे ‘टँडालाफिल’ (४०.८३ मिलीग्रॅम प्रति कॅप्सुल) हे ॲलोपॅथिक औषध बेकायदेशीरपणे मिसळण्यात आले होते. ‘टँडालाफिल’मुळे हृदयविकार संभवतो.