ISI Terrorist Arrested : आय.एस्.आय.शी संबंधित आतंकवादी गटातील आणखी ५ जणांना अटक

(आय.एस्.आय. म्हणजे इंटर सर्व्हिसेस इंटेलिजन्स – आंतरसेवा गुप्तचर यंत्रणा)

नवी देहली – देहली पोलिसांच्या विशेष पथकाने पाकिस्तानची गुप्तचर संस्था आय.एस्.आय.शी संबंधित आणखी ५ आतंकवाद्यांना अटक केली आहे. यापूर्वी ७ आतंकवाद्यांना अटक करण्यात आली होती. हा गट पाकिस्तानमधील आय.एस्.आय.चा  ‘हँडलर’ (भारतात आतंकवादी कारवाया करण्यासाठी नियंत्रण आणि संचालन करणारे लोक) शहजाद भट्टी याच्याशी संबंधित होता. या आतंकवाद्यांना देहली आणि आसपासच्या राज्यांमध्ये पोलिसांना लक्ष्य करण्याचे काम सोपवण्यात आले होते. तसेच आयएसआय समर्थित आतंकवादी संघटना ‘तहरीक-ए-तालिबान हिंदुस्तान’चा प्रचार करण्याचे दायित्वही त्यांना देण्यात आले होते.