तृणमूल काँग्रेसचे राज्यसभा खासदार पी.सी. बराईक यांचे त्यागपत्र !

कोलकाता (बंगाल) – तृणमूल काँग्रेसचे आणखी एक खासदार प्रकाश चिक बराईक यांनी त्यांच्या राज्यसभा सदस्यपदाचे त्यागपत्र दिले आहे. आतापर्यंत तृणमूल काँग्रेसच्या ३ खासदारांनी त्यागपत्र दिले आहे. तृणमूल काँग्रेसच्या एकूण २० खासदारांनी पक्ष सोडण्याचा निर्णय घेतल्याचे वृत्त आहे. बंगालमधील निवडणुकीचे निकाल घोषित झाल्यानंतर माजी मुख्यमंत्री ममता बॅनर्जी यांच्या पक्षात फूट पडत असल्याचे दिसत आहे. बंगालमधील अनेक आमदारांनीही ऋतब्रता बॅनर्जी यांना त्यांचे नेते मानून ममता बॅनर्जी यांचा गट सोडण्याचे संकेत दिले आहेत.