बंगाल: भाजपच्या महिला कार्यकर्त्याच्या हत्येप्रकरणी तृणमूल काँग्रेसचा नेता अब्दुल अलीम अलराजी यास अटक

कोलकाता (बंगाल) – भाजपच्या महिला कार्यकर्त्या रथिबाला अधिकारी यांच्या हत्येच्या प्रकरणी बंगाल पोलिसांनी तृणमूल काँग्रेसचा नेता अब्दुल अलीम अलराजी यास नंदीग्राममधील कालीचरणपूर येथून अटक केली. तो गेल्या काही मासांपासून पसार होता. अलराजी याचा वर्ष २०२२ मध्ये कांचननगर येथे झालेल्या बाँबस्फोटातही सहभाग होता. त्या प्रकरणातही तो आरोपी होता. याव्यतिरिक्तही त्याच्याविरुद्ध अनेक गुन्हेगारी खटले प्रलंबित आहेत.