मुंब्रा येथे बनावट वैद्यकीय व्यवसाय करणार्‍यांवर कारवाई !

ठाणे – येथील १२ वर्षीय देवेंद्र आशिष सिंग यांच्या संशयास्पद मृत्यूप्रकरणी बनावट वैद्यकीय व्यवसाय करणार्‍यांविरोधात प्रशासनाने कारवाई चालू केली आहे. या प्रकरणात बंगाली आधुनिक वैद्य शिशिर रॉय यांच्यासह अन्य एका आधुनिक वैद्य यांच्या विरुद्ध मुंब्रा पोलीस ठाणे येथे गुन्हा नोंद करण्यात आला आहे. (पदवी नसतांना वैद्यकीय व्यवसाय करणार्‍या वैद्यांची माहिती महापालिकेला नसणे, हे नागरिकांच्या आरोग्यासाठी धोकादायक आहे ! – संपादक) ठाणे, मुंब्रा, कळवा, दिवा आणि माजिवडा परिसरातील अन्य बनावट आधुनिक वैद्यांवरही लवकरच कारवाई होणार असल्याची माहिती वैद्यकीय अधिकारी डॉ. प्रसाद पाटील यांनी दिली.