खंडणीच्या प्रकरणी तृणमूल काँग्रेसचा सब्यसाची दत्ता यास अटक

कोलकाता (बंगाल) – एका व्यावसायिकाकडून ८ वर्षांपूर्वी खंडणी उकळल्याच्या प्रकरणी तृणमूल काँग्रेसचा नेता आणि बिधाननगर शहराचा माजी महापौर सब्यासाची दत्ता यास पोलिसांनी रायगाची परिसरातून अटक केली. या प्रकरणी संबंधित व्यावसायिकाने तक्रार प्रविष्ट (दाखल) केली होती. पोलिसांना खंडणीच्या आरोपांशी संबंधित काही कागदपत्रे सापडल्याचे वृत्त आहे; मात्र दत्ता याने हे आरोप फेटाळून लावले आहेत.

काही दिवसांपूर्वीच तृणमूल काँग्रेसचे वरिष्ठ नेते तथा बंगालच्या माजी मुख्यमंत्री ममता बॅनर्जी यांच्या मंत्रीमंडळातील तत्कालीन मंत्री सुजित बोस यांनाही एका प्रकरणात अटक करण्यात आली होती.