जगद्गुरु श्रीमद् रामानंदाचार्य नरेंद्राचार्यजी महाराजांच्या प्रेरणेने छत्तीसगडमध्ये १७५ जणांचा हिंदु धर्मात पुनर्प्रवेश !

(घरवापसी म्हणजे हिंदु धर्मात पुनर्प्रवेश)

दुर्ग (छत्तीसगड) – परधर्मीय धर्मप्रचारकांच्या भुलथापा आणि आमिषे यांना भुलून मूळ सनातन हिंदु धर्मापासून दूर गेलेल्या १७५ जणांनी ४ जून या दिवशी दुर्ग जिल्ह्यातील पुलगाव येथे हिंदु धर्मात पुनर्प्रवेश केला. जगद्गुरु श्रीमद् रामानंदाचार्य नरेंद्राचार्यजी महाराज यांच्या प्रेरणादायी विचारांनी प्रभावित होऊन या बांधवांनी शास्त्रोक्त विधी आणि वैदिक मंत्रोच्चार यांच्या साक्षीने स्वधर्माचा स्वीकार केला.

Chhattisgarh: Inspired by Jagadguru Shrimad Ramanandacharya Narendracharyaji Maharaj, 175 people return to Hindu Dharma in Durg

Under His Holiness' guidance, a massive 'Ghar Wapsi' mission has legally & constitutionally brought over 1,54,766 people back to their roots across… pic.twitter.com/0VdXuKved9

— Sanatan Prabhat (@SanatanPrabhat) June 10, 2026

विविध संत-महंतांच्या वंदनीय उपस्थितीत हा सोहळा अत्यंत उत्साहपूर्ण आणि धार्मिक वातावरणात संपन्न झाला. या कार्यक्रमास लोकतंत्र सेनानी संघाचे राष्ट्रीय उपाध्यक्ष सच्चिदानंद उपासने, भाजपचे प्रदेश उपाध्यक्ष प्रबल प्रताप सिंह जुदेव, तसेच दुर्ग जिल्ह्याचे माजी आमदार अरुण वोरा हे विशेष अतिथी म्हणून उपस्थित होते.

देशभरात अव्याहतपणे चालू असलेले धर्मकार्य ! जगद्गुरु श्रीमद् रामानंदाचार्य नरेंद्राचार्यजी यांच्या मार्गदर्शनाखाली आजपर्यंत देशभरातील १ लाख ५४ सहस्र ७६६ हून अधिक बांधवांनी रीतसर आणि सनदशीर पद्धतीने हिंदु धर्मात पुनर्प्रवेश केला आहे. हे धर्मकार्य देशभरात अव्याहतपणे चालू असून समाजजागृती, धर्मसंवर्धन आणि सांस्कृतिक पुनरुत्थान यासाठी महत्त्वपूर्ण ठरत आहे. परधर्मात गेलेल्या हिंदु बांधवांना सन्मानपूर्वक पुनर्प्रवेश देण्याच्या या उपक्रमातून जगद्गुरु श्रीमद् रामानंदाचार्य नरेंद्राचार्यजी यांनी समाजापुढे एक आदर्श निर्माण केला असल्याची भावना उपस्थितांनी व्यक्त केली.