शिवसेनेच्या नेत्यांशी चर्चा न करताच तानाजी पाटील यांचे उमेदवारी आवेदन !

सांगली, २ जून (वार्ता.) – विधान परिषदेच्या सांगली-सातारा स्थानिक स्वराज्य संस्था गटाच्या निवडणुकीमध्ये महायुतीतील अंतर्गत धुसफूस आणि बंडाळी चव्हाट्यावर आली आहे. जिल्हा मध्यवर्ती बँकेचे संचालक तानाजी पाटील यांनी पक्षाच्या वरिष्ठ नेत्यांशी कोणतीही चर्चा न करताच स्वत:चे उमेदवारी आवेदन भरल्याचे उघड झाले आहे. यावर शिवसेनेचे नेते आणि उद्योगमंत्री उदय सामंत यांनी स्पष्ट केले की, तानाजी पाटील हे पक्षाचे अधिकृत उमेदवार नसून त्यांनी पक्षाशी कोणतीही चर्चा न करता हे आवेदन भरले आहे. ४ जून या दिवशी उमेदवारी आवेदन मागे घेण्याची मुदत आहे.