गुन्हेगाराच्या अटकेनंतर झालेल्या दगडफेकीत २ वनरक्षक घायाळ !

अमरावती – मेळघाट व्याघ्र प्रकल्पांतर्गत धारणी तालुक्यातील चौराकुंड वनपरिक्षेत्रात अरण्यातील नैसर्गिक पाणवठ्यात युरिया (विष) कालवून ४ रानगवे, २ भेकड आणि मोर यांच्यासह अनेक निष्पाप पक्ष्यांना ठार मारण्यात आले. या प्रकरणी वनविभागाने कारवाई करत गावातील मुख्य आरोपीला अटक केली, तर अन्य ६ जण पसार आहेत. याचाच राग मनात धरून ३० मेच्या रात्री अटक केलेल्या आरोपीचे नातेवाईक आणि काही ग्रामस्थ यांनी चौकशी करणारे वनविभागाचे अधिकारी अन् कर्मचारी यांच्यावर दगडफेक केली. यात एक महिला आणि एक पुरुष असे २ वनरक्षक गंभीर घायाळ झाले. २२ मे या दिवशी प्राण्यांना विषबाधा करून मारल्याचे उघडकीस आले होते.

🚨 Melghat: Wild animals killed through poisoning!

After the accused were arrested, two forest guards were injured in stone-pelting.

This reflects a disturbing disregard for the law and for those protecting our forests.

Strict action is needed to ensure such crimes are not… pic.twitter.com/HbQCBsGUvC

— Sanatan Prabhat (@SanatanPrabhat) June 2, 2026

धारणीचे पोलीस निरीक्षक अवतारसिंह चौहान म्हणाले की, वन कर्मचार्‍यांवर दगडफेक करण्यासाठी जाणीवपूर्वक अल्पवयीन मुलांचा वापर करण्यात आला होता. या प्रकरणी पोलिसांनी तात्काळ कारवाई करत दगडफेक करणार्‍या एका युवकाला अटक केली. सद्यःस्थितीत गावात धारणी पोलिसांचा मोठा बंदोबस्त तैनात करण्यात आला असून घायाळ वनरक्षकांवर रुग्णालयात उपचार चालू आहेत.