सनातन प्रभात > Post Type > बातम्या > राष्ट्रीय बातम्या > TMC MP Kalyan Banerjee : तृणमूल काँग्रेसचे खासदार कल्याण बॅनर्जी यांच्यावर जमावाकडून दगडफेक

TMC MP Kalyan Banerjee : तृणमूल काँग्रेसचे खासदार कल्याण बॅनर्जी यांच्यावर जमावाकडून दगडफेक

तृणमूल काँग्रेसचे खासदार कल्याण बॅनर्जी

हुगळी (बंगाल) – येथे तृणमूल काँग्रेसचे खासदार कल्याण बॅनर्जी यांना जमावाकडून अज्ञात वस्तू फेकून मारण्यात आली. यात घायाळ झाल्याचे बॅनर्जी यांनी सांगितले. चंडीतला पोलीस ठाण्याच्या बाहेरच ही घटना घडली. खासदार कल्याण बॅनर्जी हे पोलीस ठाण्यात निवेदन देण्यासाठी जात होते. बॅनर्जी यांनी आरोप केला की, हे आक्रमण भाजपच्या लोकांनी केले आहे. भाजपच्या कार्यकर्त्यांनी दगड किंवा चेंडू यांसारखी वस्तू मारली आणि मला घायाळ करण्याचा प्रयत्न केला.

बॅनर्जी घायाळ झाले नाहीत. ते केवळ नाटक करत आहेत, अशी टीका भाजपकडून करण्यात आली आहे. तृणमूल काँग्रेसचे नेते आणि ममता बॅनर्जी यांचे पुतणे अभिषेक बॅनर्जी यांच्यावर ३० मे या दिवशी जमावाकडून आक्रमण करण्यात आले. यात ते किरकोळ घायाळ झाले. या आक्रमणानंतर तृणमूल काँग्रेसच्या कार्यकर्त्यांकडून आंदोलन केले गेले. आंदोलनकर्त्यांना पोलिसांनी अटक केली आहे. त्यांना सोडण्यात यावे, असे निवेदन देण्यासाठी कल्याण बॅनर्जी चंडीतला पोलीस ठाण्यात जात होते.

संपादकीय भूमिका

बंगालमधून तृणमूल काँग्रेसची सत्ता जाताच नागरिक तृणमूलचे नेते आणि कार्यकर्ते यांना लक्ष्य करत आहेत. गेली १५ वर्षे त्यांनी जनतेला वेठीस धरल्याचा राग जनतेतून आता व्यक्त होत आहे !

नूतन लेख