गोरेगाव येथील इमारतीत बोकडाचा बळी देण्याची अनुमती रहित !

मुंबई – गोरेगाव येथील ‘सॅटेलाईट गार्डन्स फेज २’ या इमारतीत बोकडाचा बळी देण्याची अनुमती मुंबई महापालिकेने रहित केली आहे. यासंदर्भात दिंडोशी पोलीस ठाण्याचे वरिष्ठ पोलीस निरीक्षक महेंद्र शिंदे म्हणाले, ‘‘इमारतीच्या परिसरात बळी देण्यास प्रतिबंध असेल. तेथे ठेवलेल्या बकर्‍यांना हटवण्याचा आदेश देण्यात आला आहे.’’

दिंडोशी परिसरातील आझाद नगर डी ३ इमारतीत पालिकेने अगोदर बळी देण्यासाठी अनुमती दिली होती; पण आता ती मागे घेतली. इमारतीपासून १ किलोमीटरच्या परिसरात मटणाचे दुकाने आहे. त्यामुळे ही अनुमती रहित करण्यात आली आहे.