गोवंश हत्याबंदी कायद्याच्या कार्यवाहीसाठी विश्व हिंदु परिषदेचे ठाणे पोलिसांना निवेदन !

ठाणे – राज्यात गोवंशाची अवैध वाहतूक आणि कत्तलीच्या वाढत्या घटनांवर कठोर कारवाई करण्यासाठी विश्व हिंदु परिषदेने महाराष्ट्र शासनाच्या नव्या शासन परिपत्रकाची तातडीने आणि काटेकोर कार्यवाही करण्याची मागणी केली आहे. पोलीस उपायुक्त अतुल झेंडे यांनी निवेदन स्वीकारले.

निवेदनात म्हटले आहे की, महाराष्ट्र शासनाने स्वदेशी गायीला ‘राज्यमाता’ दर्जा देत गोवंश संरक्षणाला विशेष महत्त्व दिले आहे, तसेच गोवंश हत्या बंदी आणि अवैध वाहतूक यांच्यावर कठोर निर्बंध लागू करण्यात आले आहेत; मात्र काही तस्कर आणि समाजकंटक अजूनही छुप्या मार्गाने गोवंशियांची वाहतूक आणि कत्तल करत असल्याचे प्रकार समोर येत आहेत. त्यामुळे प्राणी कल्याण कायद्यांचे उल्लंघन होत असून धार्मिक भावना दुखावल्या जात असल्याचे विहिंपने निवेदनात म्हटले आहे.